Ўзбекистон миллий терма жамоасининг ФИФА рейтингидаги ўрни ўзгарди!

Ўзбекистон миллий терма жамоасининг ФИФА рейтингидаги ўрни 1 тага кўтарилиб, 57-ўринга чиқди. 
 
Гап шундаки, терма жамоаларнинг рейтинги ўзгарди. Унга кўра, вакилларимиз 58-ўриндан 57-ўринда кўтарилди. 
 
Ҳозирда кунда Япония 15-ўрин билан Осиё мамлакатлари ичида 1-ўринда турган бўлса, Эрон терма жамоаси 18-ўрин билан кейинги ўринни эгаллади. 
 
Бундан ташқари, умумий рейтингда Аргентина терма жамоаси ҳали ҳамон пешқадамлик қилаётган бўлса, иккинчи ўриндаги Франция 1 поғона пастлаб, Испания терма жамоасини ўтказиб юборди. 
 
Маълумот ўрнида, миллий терма жамоамиз 5 июнь куни БАА билан куч синашса, 10 июнь куни Қатар терма жамоасига қарши майдонга тушади.