Ўзбекистон футбол ҳакамлари марказига янги директор тайинланди
- 16-июн 2022, 14:03
- Shuhratbek Jo’rayev
- 0
- Футбол
Бугун “Бунёдкор” стадиони мажлислар залида футбол ҳакамлари ва назоратчилари иштирокида йиғилиш бўлиб ўтди. Унда ташкилий масала кўриб чиқилди.
Ўзбекистон футбол ассоциацияси вице-президенти Одил Аҳмедов сўзга чиқиб, Ўзбекистон футбол ассоциацияси президентининг 2022 йил 15 июнь кунидаги буйруғига асосан Лазиз Қўчқоров Ўзбекистон футбол ҳакамлари маркази директори этиб тайинланганини маълум қилди.
Кейин эса Лазиз Қўчқоров ҳам сўзга чиқиб, билдирилган ишонч учун миннатдорлик билдирган ҳолда Ўзбекистон футбол ҳакамлари маркази ходимлари, ҳакамлар ва ҳакам назоратчилари билан яқин ҳамкорликда ишлаш ҳамда мамлакатимизда ҳакамликни янада ривожлантиришга қаратилган вазифаларни астойдил бажаришга уринишини айтиб ўтди.
Шунингдек, йиғилиш давомида юртимизда футбол бўйича ҳакамлик фаолиятини янги поғонага кўтариш, профессионал футбол мусобақаларига VAR тизимини жорий этишни кенгайтириш, ҳакамларни тайёрлаш тизимини такомиллаштириш мақсадида танлаб олиш мезонларини ислоҳ этиш, юқори малакали ҳакамлар ва назоратчиларни тайёрлаш, қайта тайёрлаш, малакасини ошириш каби вазифалар белгилаб олинди.
ЎзПФЛ матбуот хизмати.