Ўзбекистон футбол ассоциацияси мухлислар учун ажойиб хабарни эълон қилди

18 май куни Тошкентда Италия ва Ўзбекистон футболи афсоналари учрашуви ўтказилиши ҳақида хабар бериб ўтгандик. ЎФA томонидан Ўзбек футболининг 110 йиллиги муносабати билан мухлислар учун совға сифатида ана шу учрашувга кириш бепул этиб белгиланди. Бу ҳақда ЎФА матбуот хизмати хабар берди.

Демак, Италия A Серияси афсоналари ҳамда терма жамоамизда фаолиятини якунлаётган ёрқин авлод вакиллари ўртасидаги ўйинни 18 май куни, соат 19:00да “Пахтакор” стадионида томоша қилишингиз мумкин.

Стадионга ташриф буюра олмайдиган футбол ихлосмандларига қулайлик яратиш мақсадида учрашувни "Спорт" телеканали орқали тўғридан-тўғри эфирда намойиш этиш режалаштирилмоқда.