Ўзбекистон аёллар терма жамоасига япониялик Мидори Ҳонда бош мураббий этиб тайинланди

Бугун Ўзбекистон футбол ассоциациясида Тожикистонда ўтказилган “CAFA Womenʼs Futsal Championship 2022” мусобақасида муваффақиятли иштирок этган Ўзбекистон аёллар футзал терма жамоаси билан учрашув бўлиб ўтди.

Тадбирда сўзга чиққан ЎФA биринчи вице-президенти Равшан Эрматов терма жамоа аъзоларини табриклар экан, аёллар футболига оид бир муҳим маълумотни ҳам айтиб ўтди. Унга кўра аёллар футболини янги босқичга олиб чиқиш ва ривожлантириш йўлида ЎФA япониялик тажрибали мураббийларни жалб қилган.

- Япония жаҳон чемпионатида доимий иштирок этиб келади, мутахассислари ҳам халқаро миқёсда катта тажрибага эга ҳисобланади. Шу сабабли, аёллар футболига Мидори Ҳонда бош мураббий этиб тайинланди, - деди Равшан Эрматов.

Эслатиб ўтамиз, ЎФА бир неча кун аввал ушбу мураббий билан дастлабки музокара ўтказилгани борасида хабар берганди.

ЎФA раҳбарияти япониялик мураббийлар билан учрашди. Мутахассис терма жамоада ишлаш учун музокара ўтказди (Фото)