Озарбайжон спорт вазири: Мхитарянга алоҳида самолёт жўнатишимиз керакмиди?
- 26-май 2019, 17:51
- Baxtiyorjon Toshtemirov
- 0
- Футбол
Озарбайжон ёшлар ва спорт вазири Азад Рагимов "Челси"га қарши Бокуда бўлиб ўтадиган Европа лигаси финалига келмасликка қарор қилган "Арсенал"нинг арманистонлик ярим ҳимоячиси Генрих Мхитарянни жиддий танқид остига олди.
“Мхитаряннинг хавфсизлиги учун яна қандай чора қилиш керак? Биз қўлимиздан келганини қилдик. Биздан яна нима талаб қилишяпти? Биз Мхитарянга 2 та қирувчи самолёт кузатувида бўлган алоҳида самолёт жўнатишимиз керакмиди?
Биз УЕФА ва “Арсенал”га барча керакли ҳужжатларни тақдим этдик. Мен шахсан ҳукуматдан ва барча хавфсизлик тузилмаларидан кафолат хатини тақдим этгандим”, - дейди вазир.
Эслатиб ўтамиз, Озарбайжон ва Арманистон давлатлари ўртасида айни дамда ўзаро сиёсий низолар мавжуд.
Маълумот учун, "Челси" - "Арсенал" баҳси 29 май куни Боку шаҳрида бўлиб ўтади.