Овора бўлманг! Левандовски “Барса”даги режаларини айтди
- 8-ноябр 2025, 16:58
- Zohir Toshxo’jayev
- 0
- Футбол
“Барселона” билан амалдаги шартномаси тугаб бораётган рольшалик ҳужумчи Роберт Левандовскининг клубдаги келажаги ҳамон мавҳум бўлиб турибди.
Айрим манбалар каталонияликлар 37 ёшли тўпурардан январь ойида қутилмоқчи эканини ёза бошлади.
Бу масалага таниқли инсайдер Фабрицио Романо аниқлик киритди. Унинг ёзишича, Роберт Левандовски қишки трансферлар ойнаси даврида “Барселона”дан кетмоқчи эмас. Тажрибали ўйинчи мавсумни ҳозирги жамоасида якунлайди.
Левандовски ёзда эркин агент мақомини олади. Шу боис, январда ҳар қандай клуб билан расмий музокара ўтказиши ва дастлабки келишувларни тузиши мумкин.
Илгари Бундеслига порлаган ҳужумчи “Барселона”га 2022 йилнинг ёзида трансфер қилинган. Жорий мавсумда барча турнирларда 11 марта майдонга тушган форвард ўз ҳисобига тўртта тўп ёздириб қўйди.