Отабек Шукуров жамоаси қўшиб берилган дақиқаларда иккита гол уриб, финалга йўл олди

БАА президент кубоги ярим финал жавоб баҳсидан ўрин олган "Шаржа" – “Ал-Васл” ўйини якунига етди. Мазкур баҳсда майдон эгалари 3:2 ҳисобида ғалаба қозониб, финалга йўл олди.

Шаржаликлар сафида ҳаракат қилаётган легионеримиз Отабек Шукуров беллашувни асосий таркибда бошлади ва тўлиқ 90 дақиқа ҳаракат қилди. Ушбу жамоалар ўртасидаги илк ўйинда 0:0 ҳисоби қайд этилганди.

Маълумот учун, "Шаржа" финалда "Ал-Ваҳда"га қарши майдонга тушади.