Осиё кубоги U-20. Ироқ пенальтилар сериясида Японияни мағлуб этиб, илк финалчига айланди

Юртимизда ўтаётган 20 ёшгача бўлган ёшлар ўртасидаги Осиё Кубогининг ярим финал ўйинида Ироқ терма жамоаси Японияга қарши майдонга тушди. Мазкур беллашув асосий вақтида 1:1 ҳисоби қайд этилди. Экстра-таймларда томонлар яна биттадан гол урди. Пенальтилар сериясида эса омад ироқликларга кулиб боқди - 5:3.

Шу тариқа, Ироқ финалга йўл олди. Энди улар ҳал қилувчи баҳсда Ўзбекистон - Жанубий Корея ўйини ғолиби билан куч синашади.