Осиё чемпионатида 10 та медалга сазовор бўлган пара велоспортчиларимиз юртимизга қайтди

Пара велоспорт бўйича Ўзбекистон терма жамоаси аъзолари 25 март куни қўшни Тожикистон пойтахти Душанбе шаҳрида бўлиб ўтган Осиё чемпионатида муваффақиятли иштирок этди.

6 та олтин, 3 та кумуш ва 1 та бронза, жами 10 та медалга сазовор бўлган терма жамоамиз аъзолари бугун юртимизга қайтиб келишди. Улар Тошкент халқаро аэропортида Ўзбекистон Миллий паралимпия қўмитаси вакиллари, ота-оналар ва оммавий ахборот воситалари ходимлари томонидан муносиб кутиб олинди.