Осиё чемпионати финалини ўзбекистонлик ҳакамлар бошқаради
- 8-ноябр 2019, 10:38
- Bekzod Isayev
- 0
- Футбол
Айни кунларда Тайланд яшил майдонларида қизлар ўртасидаги U-19 Осиё чемпионати бўлиб ўтмоқда.
Мазкур мусобақа учрашувларида ҳамюртларимиз – Эдита Миробидова ҳамда Зилола Раҳматова ҳакам сифатида фаолият олиб боришмоқда.
Ҳозирга қадар ўзбекистонлик ҳакамлар Шимолий Корея – Австралия, Вьетнам – Шимолий Корея, Мьянма – Хитой, Япония – Хитой ҳамда ярим финал доирасидан ўрин олган Шимолий Корея ва Жанубий Корея ўйинларини бошқаришди.
Энди эртага мусобақанинг финал ўйини ўтказилади. Ҳал қилувчи баҳсда Шимолий Корея – Япония қарама-қаршилиги кузатилади.
Диққатга сазовор жиҳати шундаки, финал баҳсини Эдита Миробидова бошқариб боради. Захира ҳаками сифатида эса Зилола Раҳматова иш олиб боради.
Изоҳлар (0)
Ҳозирча изоҳлар йўқ