"Олтин бутса" соҳибининг маоши ошади

Италиянинг «Лацио» клуби ҳужумчи Чиро Иммобиленинг маошини оширмоқчи. Бу ҳақда журналист Николо Скира ўзининг твиттердаги саҳифасида маълум қилди.

Римликлар 30 ёшли форварднинг маошини икки баробарга кўтармоқчи. Яъни йилига 2,5 млн евро маош олаётган Иммобиле энди 4,5 млн евро ишлаб олиши мумкин.

Италиялик ҳужумчининг «Лацио» билан амалдаги шартномаси 2023 йилнинг ёзигача мўлжалланган.

Чиро Иммобиле бу мавсум  Европа миллий чемпионатларида энг кўп (36) гол урган ҳолда "Олтин бутса" соҳибига айланди.