Ольмо нега “Барса”ни танлаганини айтди

“Барселона” яқинда Германияда бўлиб ўтган Европа чемпионатлари қаҳрамонларидан бири Даниэль Ольмони қўлга киритди.

Бундеслига вакили “Лейпциг” каталонияликларнинг бир неча таклифини рад этганига қарамай, ахийри томонлар келишувга эришди.

Бир неча гранд клублардан таклиф олган Дани Ольмонинг ўзи нега айнан “Барселона”ни танлаганини қуйидагича изоҳлади.

- Мен “Барселона”га фақат ғалаба қозониш ва совринларга курашиш учун ўтдим. Биз “Барселона”миз ва имкони бор ҳар бир мусобақада бош совринни қўлга киритиш учун курашишимиз керак.

Орзум амалга ошганидан жуда хурсандман. Уйимга қайтганимдан бахтиёрман, - деди асли “Барселона” тарбияланувчиси бўлган Даниэль Ольмо.

“Барселона” янги ўйинчи билан 2030 йилнинг ярмигача давом этадиган шартнома имзолади.