"Олимпик Мобиуз" устози: "Иккинчи бўлимда ғалабани хоҳлаб ҳужумга берилиб кетиб, ҳимояда эҳтиёткорликни йўқотдик"

Про лиганинг 24-туридан ўрин олган “Машъал” – “Олимпик Мобиуз” (3:1) учрашувидан сўнг меҳмонлар бош мураббийи Фарҳод Нишонов матбуот анжуманида қатнашди.

- “Машъал”ни Суперлига билан табриклаймиз. Улар яхши ўйин кўрсатишяпти ва яхши ўйнаб келишмоқда. Тайёргарлик кўрдик, ғалабани жуда хоҳлагандик. Ўйинни ажойиб бошладик, тезкор гол урдик. Лекин ўзимизни хатоимиз билан гол ўтказиб юбордик. Иккинчи бўлимда биз кўпроқ ғалабани хоҳлаб ҳужумга берилиб кетиб, ҳимояда эхтиёткорликни йўқотдик. Шуни ҳисобига иккинчи голни ҳам ўтказиб юбордик. Айнан шу иккинчи гол ўйин тақдирини ҳал қилди.

- Голларда ҳимоя чизиғингизни айблаган бўлардингизми ёки мағлубиятда бутун жамоани айби борми?

- Голда ҳимоячиларни ҳам айби бор, аммо, барибир бутун жамоани айби бўлади. Ҳимоя ҳужумдан бошланади. Биз кўп вазиятларда қарши ҳужумларни ўтказиб юбордик.

- Жамоангизни ярми Аргентина ва Уругвайда ўйнаб қайтдишди. Йўлга 40 соат кетибди. Чарчоқ ҳам таъсир қилдими?

- Балки бу ҳам таъсир қилгандир. Дам олганимиз йўқ. Бугун ўйнаган 11 нафар футболчи Уругвайда ҳам ўйнашди. Таъсир қилган бўлиши мумкин. Чунки икки кун йўлда юришган. Келдик, ўйин олди машғулоти ва бу ёққа келдик. Поездда 6 соат йўл босдик. Аммо йигитлар бу нарсаларга мослашишган. Менга чарчашганга ўхшамади. Фақат индивидуал хатолар ҳисобига мағлубиятга учрадик.