Одил Ҳамробеков трансфери бўйича муҳим маълумот очиқланди!

"Пахтакор" футболчиси Одил Ҳамробековнинг бошқа жамоага ўтиши ҳақида миш-мишлар тобора кўпайиб бормоқда. Ушбу трансфер янгилиги бўйича SPORTS.uz сайти журналисти Яҳёхўжа Улуғхўжаев ўз Телеграм каналида муҳим маълумотларни эълон қилди.

"Одил Хамробеков трансфер сериалининг сўнгги қисми бошланди. Айни дамда Суперлигадаги энг қиммат футболчи саналган ярим химоячи учун курашда 4 жамоа иштирок этди: "Пахтакор", "Нефтчи", "Насаф"ва "Навбаҳор".

Аввалига ярим химоячи "Пахтакор"даги кескин ўзгаришлар сабабли жамоада қолмаслигини маълум қилди. Кейин "Нефтчи"нинг таклифини узоқ ўйлади, аммо томонлар кўп аспектларда келиша олмади. Фарғоналиклар Бенжамин Тиеди билан шартнома имзолади.

"Насаф" ва Бердиев тандеми эски даврларни қўмсаган бўлсада, Одилни шартнома билан (водий томондан яхшироқ рақамли шартнома келган эди) ҳайрон қолдирмади. "Аждарлар" кутилмаганда Марко Станоевични ортга қайтарди ва ярим химоядаги бўшлиқни беркитди.

"Навбаҳор" эса бу курашнинг охиригача қолди. Самвел Бабаян музокараларда аъло даражада ишлади.

Футболчи Осиё кубоги давомида хориждан келган таклифларни кўриб чиқади. Агар вариантлар маъқул келмаса, уни кейинги клуби аниқ "Навбаҳор" бўлади", - дейилади хабарда.