Одил Аҳмедов Хитойдан Ўзбекистонга моддий ёрдам юборди (Фото)

Футбол бўйича Ўзбекистон миллий терма жамоаси сардори, Хитойнинг «Шанхай СИП» клуби футболчиси Одил Аҳмедов мамлакатимизда коронавирус пандемияси билан боғлиқ вазиятда тиббиёт муассасалар учун зарур воситаларни тақдим қилди. Бу ҳақда «Дунё» ахборот агентлиги мухбири хабар берди.

Манбанинг маълум қилишича, тиббий комбинезонлар, ҳимоя кўзойнаклари ва юз ҳимоя ниқоблари Ўзбекистон Республикасининг Пекиндаги элчихонаси ва Шанхай шаҳридаги Бош консулхонаси кўмагида яқин кунларда мамлакатимизга етказилади.

Эслатиб ўтамиз, олдинроқ БААнинг "Шаржа" клуби ярим ҳимоячиси Отабек Шукуров ўзи туғилган Қашқадарё вилояти Чироқчи туманидаги кам таъминланган оилаларга кунлик ишлатиладиган маҳсулотлар (картошка, пиёз, ун, ёғ, гўшт ва ҳоказолар)ни тақдим этганди.

Кейинроқ АГМК клуби бош мураббийи Миржалол Қосимов "Ўзбекистон меҳр-шафқат ва саломатлик" фондига 75 млн сўм ўтказиб берди.