ОЧЛ гуруҳ босқичи олдидан "Насаф" юлдузи сафдан чиқди

Ўзбекистон Суперлигаси 4-туридан ўрин олган "Локомотив" - "Насаф" учрашувида меҳмонлар 1:0 ҳисобида устун келди.

Мавсумдаги илк ғалабасини қўлга киритган қаршиликлар учун нохуш хабар ҳам йўқ эмас. Гап шундаки, ўйиннинг 67-дақиқасида "аждарлар" ва Ўзбекистон миллий терма жамоаси ҳимоячиси Шерзод Насруллаев жароҳат олган ҳолда, майдонни эрта тарк этишга мажбур бўлди. У шифокорлар ёрдами билан захира ўриндиғига етиб келди.

Шунингдек, бу баҳсда "темирйўлчилар" ҳам ўз етакчисини йўқотди. Биринчи бўлимда энг фаол ўйинчилардан бири бўлиб турган Ғулом-Ҳайдар Ғуломов жароҳат туфайли иккинчи 45 дақиқаликни майдонда ўтказмади.

Маълумот учун, "аждарлар" ОЧЛ гуруҳ босқичида иштирок этиш учун эртага Саудия Арабистонига йўл олади.