Обамеянг Одил Аҳмедовнинг жамоадошига айланиши мумкин
- 4-июн 2019, 12:57
- Baxtiyorjon Toshtemirov
- 0
- Футбол
Лондоннинг "Арсенал" клуби форварди Пьер-Эмерик Обамеянгга Хитойнинг икки клубидан жиддий таклифлар бўлмоқда.
The Times нашри тарқатган хабарга кўра 29 ёшли габонлик футболчини "Гуанчжоу Эвергранд" ва "Шанхай СИПГ" клублари ўз сафида кўрмоқчи. Чин юртининг ҳар иккала жамоаси ҳам унга ҳафтасига 339 минг евро маош ваъда қилмоқда.
Таққослаш учун, Обамеянгнинг “Арсенал”даги ҳафталик маоши 190 минг еврони ташкил этади.
Маълумот учун, Обамеянг ўтган мавсум АПЛда жами 36та ўйинда майдонга тушди ва 22та гол билан мусобақа тўпурарига айланди.
Изоҳлар (0)
Ҳозирча изоҳлар йўқ