Нукусда илк бор пара волейбол бўйича Ўзбекистон чемпионати бўлиб ўтмоқда

Илк бор пара волейбол бўйича Ўзбекистон чемпионати бўлиб ўтмоқда. Бу ҳақда Ўзбекистон волейбол федерацияси матбуот хизмати хабар берди.  

Айни кунларда Нукус шаҳрида пара волейбол бўйича Ўзбекистон чемпионати бўлиб ўтяпти. Илк бор ташкил этилган мамлакат биринчилигида юртимизнинг энг кучли жамоалари иштирок этмоқда.

Ушбу мусобақадан кўзланган асосий мақсад - пара волейбол бўйича иқтидорларни саралаб, улар асосида терма жамоа таркибини шакллантиришдан иборат. Пара волейбол бўйича Ўзбекистон чемпионати 15 декабрга қадар давом этади.