Неймар Рафиньянинг "Олтин тўп"да бешинчи ўрин олишига ҳазиломуз жавоб берди

"Барселона" ва ПСЖнинг собиқ форварди Неймар ҳамюрти Рафиньянинг 2025 йил "Олтин тўп" овоз беришида бешинчи ўринни эгаллашига ўз муносабатини билдирди.

"Рафинья бешинчи ўриндами? Бу жуда яхши ҳазил", – деб ёзиб қолдирди бразилиялик юлдуз ижтимоий тармоқдаги натижалар постига изоҳ сифатида.

Эслатиб ўтамиз, 2024/25 йил мавсуми бўйича "Олтин тўп" соҳибига айланган футболчи – ПСЖ ва Франция терма жамоаси вингери Усмон Дембеле бўлди.

Иккинчи ўринни "Барселона'нинг 18 ёшли юлдузи Ламин Ямал эгаллади. Учинчи поғонада эса яна бир ПСЖ вакили – португалиялик ярим ҳимоячи Витинья жой олди.