Немис машинасини ишдан чиқарган детал маълум бўлди

Германия терма жамоаси мураббийи Ханс-Дитер Флик жамоада бирдамликка эриша олмади. Хабарларга кўра айни дам жамоа икки лагерга бўлинган - "Бавария" вакиллари ва бошқалар.

Bild хабарига кўра, мутахассис Мюнхен клуби футболчиларига нисбатан нохолис муносабатда бўлганликда айбланди, бу эса жамоа ичида бўлинишларга сабаб бўлган.

Мазкур ҳолат турнир бошланишидан олдин ҳам жиддий муаммога айланганди, яъни футболчилар мураббийдан бир хил муносабат ва эътибор кўришмаганини айтган. Японияга қарши ўтказилган биринчи ўйиндан сўнг эса бу янада ёмонлашди ва жамоа самурайларга кутилмаганда мағлубиятга учради (1:2).

Эслатиб ўтамиз, Германия терма жамоаси гуруҳ босқичи якунларига кўра тўрт очко жамғариб, тўплар орасидаги фарқ бўйича плей-оффдан қуруқ қолди.