Навбатдаги эксклюзив суҳбат. SPORTS.UZ мухбири Александр Кержаковни кўндирди. У "Насаф" футболчисини тилга олди...

Сайтимизнинг зукко ўқувчилари яхши билишадики, Sports.uz орқали хорижлик кўзга кўринган мутахассислар билан эксклюзив суҳбатлар ҳавола этиб келинади. Айниқса, Россия футболи юлдузлари аста-секин бизнинг сайтимиз “меҳмони” бўлиб келмоқдалар.

Охирги марта Россия терма жамоаси ва “Ростов” клуби бош мураббийи Валерий Карпин билан суҳбат уюштирилганди. Бу сафар Sports.uz журналисти Шуҳратбек Жўраев машҳурлик бўйича Карпиндан қолишмайдиган яна бир рус футболининг таниқли намоёндаларидан бири – Александр Кержаковни сайтимиз учун интервью беришга кўндирди.

Биласиз, у ўтган мавсумда Россия премьер-лигасида “Нижний Новгород” клубига бош мураббийлик қилди. Ватандошимиз Иброҳимхалил Йўлдошев ушбу клубдаги дастлабки мавсумида айнан Кержаков қўли остида тўп суришга муваффақ бўлди.

Интервьюда бир қатор мавзулар қамраб олинган бўлиб, мутахассис қизиқарли фикрлари билан ўртоқлашди. Қизиғи, ўзбек футболчилари орасида ўзи ёқтирадиган ўйинчилар қаторида "Насаф" аъзосининг номини ҳам айтди.

Тез орада Sports.uzда Александр Кержаков билан эксклюзив суҳбат чоп этилади. Бизни кузатишда давом этинг!