"Навбаҳор" - "Пахтакор" ўйинидан кейин 7 киши жавобгарликка тортилди - Баёнот

Суперлиганинг 5-туридан ўрин олган "Навбаҳор" - "Пахтакор" (1:2) учрашувидан сўнг содир бўлган тартибсизликлар юзасидан Наманган вилояти ИИБ ўз расмий сайти орқали баёнот берганди. Унда томошабинлар орасида фаол эътироз билдириб, бошқаларга таъсир ўтказмоқчи бўлган 2 нафар футбол ишқибози ажратиб олингани ва Давлатобод туман ИИБга олиб келиниб, шахсига аниқлик киритилди ҳамда тушунтириш ишлари олиб борилгани хабар берилганди.

Кейинроқ ушбу маълумот тўлдирилди ва қуйидагилар қўшимча қилинди: 

- Ҳолат бўйича Ўзбекистон Республикаси Жиноят кодексининг 277-моддаси 3-қисми "в", "г" бандлари бўйича жиноий иш қўзғатилиб, ҳозирга қадар 6 нафар фуқаро Ўзбекистон Республикаси Маъмурий жавобгарлик тўғрисидаги кодекснинг 183-моддаси, 1 нафар фуқаро эса 183- ва 194-моддалари бўйича жавобгарликка тортилди.

"Навбаҳор" - "Пахтакор" ўйинида пенальти бормиди? - Хайрулла Ҳамидовдан жавоб

Хизмат мобайнида жамоат тартибини сақлашга жалб қилинган ҳуқуқни муҳофаза қилувчи барча идоралар шахсий таркиби орасида ҳеч қандай тан жароҳат олиш ҳолатларига йўл қўйилмади.

Мутасадди идоралар ходимларидан иборат ишчи гуруҳ тузилиб, вазият ўрганилмоқда, - дейилди Наманган вилояти ИИБ баёнотида.