"Насаф"дан сўнг бу ишни "Локомотив" "уддалади"

Ўзбекистон Суперлигаси 3-туридан ўрин олган "Локомотив" ва "Пахтакор" жамоалари ўртасидаги ўйин бўлиб ўтди.

Мазкур беллашувда мезбонлар йирик 3:0 ҳисобида ғалаба қозонди. Майдон эгалари сафида голларга Сардор Абдунабиев, Дамян Крайишник ва Иван Булатович муаллифлик қилди. 

Шундай қилиб, "Пахтакор" 82 турлик танаффусдан кейин яна Суперлигада 3 та тўп фарқи билан ютқазди. Сўнгги бор "Насаф" 2020 йилда "шерлар"ни йирик ҳисобда мағлубиятга учратган эди. Ўша куни "аждарлар" таркибида Шароф Муҳитдинов, Акмал Мозговой ҳамда Марко Станоевич тўп киритган.