"Насаф" янги футболчи трансферини эълон қилди

Ўз ўйини билан ўзбек футболи ихлосмандлари кўнглидан жой олган 26 ёшли тажрибали ярим ҳимоячи Жавоҳир Сидиқов “Насаф” аъзосига айланди.

Ўтган мавсумда “Қўқон-1912” жамоаси таркибида ҳаракат қилган футболчи Суперлигада 21 учрашувда майдонга тушиб, рақиб дарвозасига тўртта гол урган ва битта голли узатмани амалга оширган.

Жавоҳир "аждарлар" билан ижара асосида бир йиллик шартномага имзо чекди.