"Наполи" Костани арзонроққа қўлга киритиши мумкин

Мадриднинг "Атлетико" клуби ҳужумчиси Диего Коста фаолиятини "Наполи"да давом эттириши мумкин.

CalcioNapoli24 нашри тарқатган хабарга кўра неаполликлар Коста эвазига ўзларининг гвинеялик футболчиси Аманду Диварни беришмоқчи. Таъкидлаш керакки, 21 ёшли футболчининг трансфер нархи 25 млн еврони ташкил этади. Шу тариқа “Наполи” нархи 40 млн еврога баҳоланаётган Костани арзонроққа қўлга киритмоқчи.

Таъкидлаш керакки, Диварага шахсан "Атлетико" устози Диего Симеоне жиддий қизиқмоқда.

Маълумот учун, 30 ёшли Коста ўтган мавсум Ла Лигада жами 17та ўйинда майдонга тушди ва ўз ҳисобига 2та гол ҳамда 3та голли узатма ёздириб қўйишга эришди.