Наоя Иноуэ Муроджон Аҳмадалиев билан эмас Стивен Фултон билан жанг ўтказади

Профессионал бокснинг биринчи ярим енгил вазн тоифасида (55,3 кг) WBО ва WBC чемпиони, америкалик Стивен Фултон ва 3 вазнда жаҳон чемпиони, япониялик Наоя Иноуэ баҳор ойида Японияда жанг ўтказиш бўйича келишувга эришди, дея хабар бермоқда ESPN мухбири Майк Коппинжер. 

 

Олдинроқ Фултон Брендон Фигероага қарши рингга кўтарилиши айтилган эди. Ҳозирча жанглар расмий эълон қилинмади. 

 

Қолаверса, ушбу вазнда WBА ва IBF чемпиони ҳисобланган Муроджон Аҳмадалиев ўзига тегишли бўлган камарларни мажбурий даъвогар Марлон Тапалесдан ҳимоя қилиши кераклиги боис, унинг Фултон ёки Иноуэга қарши жанг қилиш имконияти камроқ.