Наҳотки! Месси АҚШ клубига ўтади (ми?)

ПСЖнинг аргентиналик супер юлдузи Лионель Месси фаолиятини океан ортида давом эттириши мумкин. Бу ҳақда  "DIRECTV Sports" нашри хабар берди. 

Манбага кўра, футболчига Дэвид Бекхэмнинг "Интер Майами" жамоаси қизиқиш билдирмоқда. Англиялик собиқ футболчи эгалик қиладиган клуб Мессини шартномаси якунига етгач, эркин агент сифатида ўз сафига қўшиб олишни мақсад қилган. 

Хабарда айтилишича, Лео ҳам АҚШда тўп тепишга қарши эмас. У Париждан сўнг Майамига кўчиб ўтишни режалаштирмоқда.

Маълумот ўрнида, Лионель жорий мавсум барча мусобақалар доирасидаги 33 ўйинда 11 гол ва 13 ассистни ўз номига расмийлаштириб қўйган.