МЮ юлдузи "Арсенал"га кўчиб ўтиши мумкин

"Манчестер Юнайтед"нинг бразилиялик ярим ҳимоячиси Каземиро фаолиятини Лондон клубида давом эттириши мумкин.

Хабарларга кўра, "Манчестер Юнайтед" таянч ярим ҳимоячиси Каземиро Лондоннинг "Арсенал" клубига кўчиб ўтиши мумкин. Манбага кўра, футболчининг агенти аллақачон лондонликлар вакиллари билан боғланган ва ўз мижозининг хизматларини "канонирлар"га таклиф қилган. Каземиро "Арсенал" бош мураббийи Микель Артетага ёқади ва ушбу келишув амалга ошиш эҳтимолини орттиради. Артетанинг фикрича, бундай футболчининг жамоага келиши совринлар томон юришда катта ёрдам бўлади. Футболчининг ўзи ҳам айнан Лондон клубига кўчиб ўтишни маъқул кўрмоқда. Бразилиялик хавбек учун "Милан" ва "Ювентус" клублари ҳам жиддий қизиқиш билдирмоқда. Каземиронинг МЮ билан амалдаги шартномаси шу йилнинг ёзида якунига етади.

Маълумот учун, Каземиро жорий мавсумда умумий 28та учрашувда майдонга тушиб, 6та гол ва 2та голли узатмани амалга оширди.