Муроджон Аҳмадалиевнинг эҳтимолий рақиби вазнини ўзгартирмоқда ёхуд WBO камари вакант мақомида...

Муроджон Аҳмадалиев қатнашадиган вазндаги WBO камари вакант мақомини олиши мумкин. Ушбу чемпионлик камари эса, Эмануэль Навареттега тегишли...

-55 кг вазнда WBO чемпиони мексикалик Эмануэль Наваррете (31-1, 27КО) ўзига тегишли бўлган камарни вакант қолдириб, Уриэль Лопесга ( 13-13-1, 6 КО) қарши жангидан сўнг -57 кг вазнда қолишини айтди.

-57 кг вазн тоифасидаги WBO чемпиони Шакур Стивенсон ҳам  яқиндагина бир поғона юқори бўлган биринчи енгил вазнда (-59 кг) дебютини ўтказган эди. “Top Rank” раҳбари Боб Арумнинг таъкидлашига қараганда, Шакур ҳам камарини вакант қилиб -59 кг вазнга тўлақонли ўтса, у ҳолда Эмануэль Наваррете шу йилнинг ўзидаёқ, ушбу вазн тоифасининг яъни, -57 кгда чемпионлик камари учун жанг қилиши мумкин.

Маълумот учун, -55 кг вазнда WBC чемпиони Рей Варгас, WBA ва IBF чемпиони ҳамюртимиз Муроджон Аҳмадалиев ҳисобланади.