Мундиалга ташриф буюрган ҳеч бир бразилиялик норизо бўлиб кетмайдиган бўлди

Хабарингиз бор, кеча Бразилия нимчорак финал доирасида Жанубий Кореяни мағлуб этди (4:1).

Ушбу баҳсда ҳам Тите қолган учрашувларда бўлгани каби захира ўриндиғидан максимал тарзда фойдаланди ва ҳаттоки, жамоанинг 3-посбони Вевертон Перейра да Силвага ҳам имкон берилди.

Статистик маълумотларга кўра, Бразилия мураббийлар штаби ушбу мундиалда қайдномадаги барча 26 футболчи хизматларидан фойдаланди ҳамда бу борада ЖЧлар рекордини ўрнатди.

Эслатиб ўтамиз, Бразилия чорак финалда Хорватия билан беллашади.