Муҳим ўйин олдидан "Пахтакор" клуби раиси ўринбосари футболчиларни руҳлантирди
- 25-феврал 2022, 21:58
- Shuhratbek Jo’rayev
- 0
- Футбол
Маълумки, 27 февраль куни Ўзбекистон Суперкубоги доирасида “Пахтакор” клуби “Турон”даги стадионда “Насаф”га қарши майдонга тушади.
Ҳозирда “Шерлар” бор эътиборини ушбу учрашувга қаратган. Шу муносабат билан бугун “Пахтакор” жамоаси мутасаддиси футболчилар билан учрашди. Клуб матбуот хизматининг хабарида шундай дейилади:
“Ўзбекистон Суперкубоги учрашуви арафасида клуб раиси ўринбосари футболчилар билан мулоқот қилди.
Жамоанинг Қибрайдаги базасидаги машғулотига ташриф буюрган Дилшод Каримов мавсумни муваффақиятли бошлаш аҳамиятли экани, кейинчалик Суперлига ва Чемпионлар Лигасида ҳам юқори шижоат билан ўйнаш зарурлигини, мухлисларни чиройли футбол ёрдамида хурсанд қилиш асосий вазифа эканлигини таъкидлаб ўтди”.
Изоҳлар (0)
Ҳозирча изоҳлар йўқ