Муайтай. Ўзбекистон кубоги ўз ниҳоясига етди

2025 йил 24-29 июнь кунлари Наманган шаҳрида жойлашган “Barkamol avlod” спорт саройида муайтай бўйича ўсмирлар ва ёшлар ўртасида Ўзбекистон кубоги бўлиб ўтди.

Мазкур мусобақада Қорақалпоғистон Республикаси, вилоятлар ва Тошкент шаҳридан 400 нафарга яқин спортчилар ғолиблик учун баҳс олиб боришди.

Мусобақада умумжамоа бўйича 1-ўрин Самарқанд вилояти, 2-ўрин Наманган вилояти, 3-ўрин Андижон вилояти жамоалари эгаллашди. 

Шунингдек, ушбу мусобақада сентябрда Абу-Дабида бўладиган Жаҳон чемпионати ҳамда октябрда Бахрайнда бўлиб ўтадиган Осиё ўйинларига иштирок этишга номзод спортчилар саралаб олинди.

Бу ҳақда Ўзбекистон муайтай ассоциацияси хабар бермоқда.