Моуриньони энди тушуниб етдим!

А Сериянинг ўтган турида “Салернитана” дарвозасини ишғол қилиб, “Рома”нинг ғалабасига катта ҳисса қўшган Карлес Перес жамоа бош мураббийи Жозе Моуриньонингн фалсафасини тушуна бошлаганини айтиб ўтди.

“Барселона” тарбияланувчиси бўлган бу ҳужумчи Жозе Моуриньо “Рома”ни қабул қилиб олганидан кейин асосий таркибдаги жойини йўқотганди.

Перес жорий чемпионатдаги голини 32-турга келиб урди. У асосий вақтини захирада ўтказаётани боис, ёзда бошқа жамоага кетиш ҳақида ўйлаётган эди.

Бир йилга яқин ишлаганимдан сўнг Жозе Моуриньонинг фалсафаси ва талабларини энди туша бошладим. Энди унинг қанақа экани ва нима истаётганини англаб турибман. Мен кам ўйнаётган бўлсам ҳам, у мени ўйинчи сифатида ўсишга эришимизга туртки берди. Моуриньо мени руҳлантиряпти ва ўз маслаҳатлари билан менталитетимни кучайтиришга ҳаракат қиляпти, деди Карлес Перес.

2020 йилдан бери Рим клубида фаолият кўрсатаётган футболчига ҳозирнинг ўзида Испания ва Германия клубларидан жиддий қизиқиш бўлмоқда.

“Рома” ниятига етолмайди

“Рома” ёзда трансфер қилиши мумкин бўлган футболчилар рўйхатига Донецкнинг “Шахтёр” клуби Михайло Мудрик ҳам киритилган эди.

21 ёшли футболчи ҳар икки қанот ҳужумида ва марказда ҳужумчи ортида самарали ўйнай олади.

Сўнгги маълумотларга қараганда, римликлар бу ўйинчини қўлга кирита олмайди. Украиналик ярим ҳимоячи фаолиятини Англия чемпионатида давом эттиришни маъқул кўрган.

Унга “Рома”дан ташқари “Брентфорд” ҳам қизиқиш билдираётган эди.

Михайло Мудрик жорий мавсумда Украина чемпионати, мамлакат кубоги ва Чемпионлар лигасида жами 19 та учрашув ўтказиб, бир жуфт гол урди ва жамоадошларига тўққизта голли пас узатди. Унинг трансфер суммаси тўрт миллион еврони ташкил қилади.

Манчини сафга қайтди

Конференциялар лигаси чорак финалнинг дастлабки учрашувини Норвегиядаги сунъий қопламали майдонда ўтказган “Рома” футболчиларидан Жанлука Манчини тиззасидан шикастланган эди.

Ўша беллашувда Жозе Моуриньо шогирдлари “Будё-Глимт”га 1:2 ҳисобида ютқазишдан ташқари, асосий ҳимоячилардан бирининг сафдан чиққани мухлисларни хавотирга солганди.

Мавсум энг қизғин палласида яхши хабар келди. Италиялик ҳимоячи жароҳатидан тез тикланган ва жамоанинг умумий машғулотларида иштирок эта бошлаган.

Манчини бу мавсумда 37 та учрашувда майдонга тушди.

Моуриньо кутган ўйинчи келмайдиган бўлди

Жозе Моуриньо Рим клубини қабул қилиб олганидан бери жамоасига “Арсенал” ярим ҳимоячиси Гранит Жакани олиб келмоқчи бўляпти. Ўтган йили швейцариялик футболчи кутилмаганда “Рома” таклифига қарамай, “канонирлар” билан шартномани узайтириб юборди.

Португалиялик мутахассис тажрибали ўйинчига спорт директори Тьягу Пинто орқали  яна чорлов юборди.

Бироқ, Daily Mirror нашрининг хабар беришича, Жака “Арсенал” мухлисларига  лондонликлар сафида бирор совринга эришмай туриб, бошқа жамоага ўтмаслигини айтган ва келаси мавсум ҳам Лондонда қолишга ваъда берган.

“Рома”ни финалда кўрмоқчиман

“Ливерпуль” дарвозабони Алисон Беккер Sky Sport нашрига берган интерьвюсида УЕФА таснифидаги мусобақалар ҳақида гапириб, “Рома”ни ҳам тилга олди.

- “Рома”ни Конференциялар лигаси финалида, “Ливерпуль”ни эса Чемпионлар лигасидаги ҳал қилувчи учрашувда кўрмоқчиман, - деди Аллисон Беккер.

Бразилия футболи тарбияланувчиси бўлган 29 ёшли дарвозабон Европадаги фаолиятини 2016 йили ёзда Рим клубида бошлаган. “Рома” саккиз миллион еврога олган дарвозабонини икки йил ўйнатиб, “Ливерпуль”га 62,5 миллион еврога трансфер қилди.

Аллисон жорий мавсумда 42 та учрашувдан 22 тасида ўз дарвозаси дахлсизлигини сақлаб қолди ва 32 та гол ўтказиб юборди.

Шомуродов гол уролмаган ўйиндан сўнг Моуриньо нега узр сўради?

Шомуродовни кутяпмиз!

“Рома”: Бу футболчи энди ўйнамайди! Моуриньо ким ҳақида гапирди?

“Рома” ҳужумчиси бўйича кутилмаган вазият юзага келди!

Моуриньо ўйнатмаётган ҳужумчига Испания грандидан таклиф бор