"Монако" ярим ҳимоячиси ярим йилга футболдан четлатилиши мумкин
- 3-феврал 2020, 10:55
- 0
- Футбол
"Монако" Франция чемпионати 22-тури доирасида "Ним" клуби меҳмони бўлди. Учрашув мезбонларнинг ғалабаси билан якунланди.
Ўйиннинг 32-дақиқасида хакам монегасклар футболчиларидан иккитасига қизил карточка кўрсатиб майдондан четлатди.
Аввалига "Монако" ярим ҳимоячиси Тьемуэ Бакайокони "Ним" футболчиси Ромен Филиппотога ишлатган қўполлиги учун қизил карточка билан жазолаб майдондан четлатди.
Вазиятдан норози бўлган "монегасклар" хавбеки Желсон Мартинш эса хакамни туртиб юборди. Бу учун ярим ҳимоячи ҳам қизил карточка билан жазоланди. Аммо 24 ёшли футболчи майдонни тарк этаётиб яна бир маротаба арбитрни туртиб юборди.
Энди эса португалиялик ярим ҳимоячи 8 ўйиндан 6 ойгача дисквалификация қилиниши мумкин. Мартинш ҳақидаги футбол федерация қарори чоршанба куни эълон қилинади.