Модричнинг мухлислари учун зўр хушхабар!

Мадриднинг “Реал” клуби ярим ҳимоячиси Лука Модрич Хорватия терма жамоасининг Миллатлар лигаси доирасидаги Португалия ва Полmшага қарши ўйинига чақирув олди. Испаниянинг AS портали Евро-2024 дан кейинги шубҳаларга қарамай, 38 ёшли хорват терма жамоасида қолишга қарор қилгани ҳақида хабар берди.

Манбага кўра, Лука 2026 йилда АҚШ, Канада ва Мексикада бўлиб ўтадиган жаҳон чемпионатида иштирок этишни орзу қилмоқда. Модрич ўзини ярим ҳимояда сифатли ўринбосар топишда қийналаётган Хорватия терма жамоаси учун муҳим шахс деб ҳисоблайди.

Златко Далич шогирдлари 5 сентябрь куни Португалияга, 8 сентябрь куни эса Польшага қарши баҳс олиб боради.

Лука жорий мавсум "Реал" сафида иккита ўйин ўтказди.

Эслатиб ўтамиз, Модричнинг Хорватия терма жамоасидаги фаолиятидаги энг яхши ютуғи 2018 йилда Россияда бўлиб ўтган жаҳон чемпионати финалига қадар етиб борган. Ўшанда хорватлар французларга 2:4 ҳисобида имкониятни бой берганди. Ярим ҳимоячи, шунингдек, 2018 йилда "Олтин тўп"ни  қўлга киритган.