"Милан" "Сан-Сиро"да камбэк амалга оширди

А Серия 8-туридан ўрин олган "Милан" - "Верона" учрашуви якунига етди. Мазкур ўйинда миланликлар 0:2 ҳисобини ўйин якунига қадар 3:2 ҳолатига ўзгартира олди. 

Дастлаб меҳмонлар Капрарининг голи эвазига 7-дақиқада ҳисобни очди. 24-дақиқада Антонин Барак фарқни иккитага етказиб қўйди. Шундан сўнг "россонерилар" ўйинни тубдан ўзгартирди. Жиру ва Кессье ўз голлари билан ҳисобни тенглаштирган бўлса, "Верона" футболчиси Гюнтер 78-дақиқада ўз дарвозасини ишғол этиб, "Милан"га 3 очко қўлга киритиш учун "ёрдамлашиб юборди". 

Ушбу натижадан кейин Пиоли шогирдлари А Серия турнир жадвалида 22 очко тўплаган ҳолда, пешқадамга айланиб олди. "Верона"да 8 очко бор ва улар 12-ўринда жойлашган.