"Милан", "Арсенал" ва "Лестер" Норвегия терма жамоаси футболчиси учун кураш бошлади

Шотландиянинг "Селтик" клуби ва Норвегия терма жамоаси ҳимоячиси Кристофер Айер фаолиятини Англия ёки Италияда давом эттириши мумкин.

Италиялик журналист Николо Скиранинг маълум қилишича, 22 ёшли футболчи учун "Милан", "Арсенал" ва "Лестер" клублари даъвогарлик қилишмоқда.

Айер жорий мавсум “Селтик” сафида 49 та ўйинда майдонга тушди ва 4 та гол ҳамда 2 та голли узатмага муаллифлик қилишга эришди. Унинг трансфери эса 2,7 млн еврога баҳоланмоқда.