Месси “Интер Майами”дан “допингчи” юлдузни олиб келишни сўради
- 17-март 2025, 10:55
- Zohir Toshxo’jayev
- 0
- Футбол
“Интер Майами” сардори Лионель Месси клуб хўжайинларидан бири Дэвид Бэкхемдан жамоа таркибини кучайтириш учун Европада тажриба тўплаган юлдузни олиб келишни сўради.
El Nacional нашрининг ёзишича, саккиз карра “Олтин тўп” соҳиби жамоада айни пайтда ишсиз юрган Поль Погба билан бирга ўйнамоқчи.
Маълумки, Погба допинг истеъмол қилгани учун футболдан тўрт йилга четлатилган эди. Кейинчалик суд бу муддатни 18 ойга туширди. Погба йил бошидан шуғулланишни бошлаб юборган.
Бироқ “Ювентус” франциялик футболчининг шартномаси бекор қилгани учун Погба ҳамон ўзига жамоа қидиряпти.
Манбага кўра, “Интер Майами” Лионель Мессининг илтимосини эътиборсиз қолдирмайди. Яқинда Дэвид Бекхэм “Нью-Йорк” сити билан бўлган учрашувда Поль Погба билан кўришган ва ўзаро суҳбатлашган.
Ҳозир, “Интер Майами” тажрибали ярим ҳимоячи учун асосий даъвогар сифатида тилга олиняпти.