Месси энди ҳеч қачон Роналдуга етолмайди
- 10-сентябр 2025, 06:33
- Zohir Toshxo’jayev
- 1
- Футбол
2026 йилги жаҳон чемпионатининг Европа қитъаси учун ташкил қилинган саралаш турнирида Криштиану Роналду Португалия терма жамоаси сафида яна гол урди.
Бу гал португалияликлар Венгрия терма жамоаси меҳмони бўлиб, сафардан 3:2 ҳисобидаги ғалаба билан қайтди. Муҳим баҳсда, Роналду пенальтидан тўп киритиб, муваффақиятга ҳисса қўшди.
Шу тариқа, 40 ёшли ҳужумчи халқаро учрашувларда миллий терма жамоада урган голлари сонини 141 тага етказиб олди. Бу мутлақ рекорд ва Роналду ҳали тўхтамоқчи эмас.
Терма жамоа учун кўп гол уриш бўйича Роналдунинг энг яқин таъқибчиси Лионель Месси 114 та тўп киритган. Аргентиналик юлдуз халқаро фаолиятини якунлаш ниятини билдирган ва бу кўрсаткич бўйича ҳеч қачон Роналдуга етолмайди.
Криштиану Португалия терма жамоасидаги фаолиятини 2023 йилда 18 ёшида Қозоғистон терма жамоасига қарши ўтказилган ўртоқлик учрашувида бошлаган. Биринчи голини 2004 йилги Европа чемпионатида бўлажак чемпион Греция дарвозасига киритган.