Мераб Двалишвили: "Пётр Ян хавфли рақиб, лекин мен уни енгишимга ишонаман"

Ўта енгил вазн тоифасида UFC чемпиони Мераб Двалишвили бўлажак рақиби, россиялик Пётр Ян билан реванш ҳақида фикрларини билдириб ўтди.

"Пётр кучли ва хавфли йигит. Буни Яннинг ғалабали сериясидан ҳам билиб олиш мумкин. Ўйлашимча, реванш ажойиб ўтади. Бир зарба ёки кичик хато ҳаммасини ўзгартириб юбориши аниқ. Шу боис мен машғулотларга катта куч ва вақт сарфлаяпман. Менимча, энг ёмон ҳолатга ҳам тайёрман. Бироқ рақибимни осонликча енгишимга ишонаман", — деди грузиялик "The Ariel Helwani Show" подкастида.

Эслатиб ўтамиз, мазкур тўқнашув 7 декабрь куни Лас-Вегасда бўлиб ўтадиган "UFC 323" турнирида ўтказилади.