Мен “Барса”дан кетмайман!
- 17-август 2024, 17:40
- Zohir Toshxo’jayev
- 0
- Футбол
“Барселона” раҳбарияти молиявий ҳолатидан келиб чиқиб, Испания чемпионатида энг катта маош олаётган Френки де Йонгни сотиб юборишга ҳаракат қилмоқда.
Нидерландиялик ярим ҳимоячи бир йиллик хизмати учун 37,5 миллион евро миқдорида маош олиб келмоқда.
Каталонияликлар шу ёз ичи 27 ёшли плеймейкерни 60 миллион евро эвазига бошқа клубга ўтказиб юбормоқчи. Асосий харидор “Манчестер Юнайтед” ҳисобланади.
Журналист Жанлуижи Лонгарининг таъкидлашича, Френки де Йонг жамоадан кетмаслигини билдирган. Аввал ҳам нидерландиялик юлдуз “Барселона” ва “Манчестер Юнайтед” унинг трансфери бўйича келишиб бўлган паллада Каталониядан кетишдан бош тортганди.
Френки де Йонг апрель ойида “Реал”га қарши баҳсда жиддий жароҳат олганди. У шундан бери майдонга тушгани йўқ ва қачон сафга қайтиши ҳамон ноъмаълум бўлиб турибди.