Мбаппе Карло Анчелоттига миннатдорчилик билдирди

Мадриднинг "Реал" клубида ҳаракат қилаётган юлдуз ҳужумчи Килиан Мбаппе италиялик мутахассис Карло Анчелоттининг жамоа бош мураббийлиги лавозимидан кетишига муносабат билдирди:

"Мистер, менга қилган барча яхшиликларингиз учун сизга миннатдорчилик билдираман. Қўл остингизда ишлаш мен учун катта шараф бўлди. Сизга фақатгина энг яхшиларни тилайман" — деб ёзди француз ҳужумчиси ўз ижтимоий тармоқлардаги саҳифасида.

Аввалроқ, Карло Анчелотти Бразилия терма жамоасига бош мураббий сифатида ўтаётгани маълум қилинган эди. Унинг ўрнини "Реал"да испаниялик мутахассис Хаби Алонсо эгаллайди. У сўнгги пайтларда Германиянинг "Байер" клубини бошқариб келаётган эди.