"Майдон баҳона ўрнида қабул қилинмайди"

Хабарингиз бор, бугун Ўзбекистон терма жамоаси меҳмонда Туркманистон билан куч синашади. Жаҳон чемпионати саралаш ўйинларини бошлаб берувчи баҳснинг қиймати жуда баланд. Афсуски, қўшниларимизнинг атайин сифатсиз сунъий майдонда тўп суришни истагани кўпчиликнинг дилини хира қилгани бор гап. Айна шу масалада SPORTS.uz сайти журналисти Яҳёхўжа Улуғхўжаев ўз телеграм каналида фикри билан ўртоқлашди:

"Эртага Туркманистонга қарши баҳс билан ЖЧ саралашини бошлаб оламиз.

Майдоннинг холати ва вазиятнинг қандай эканлигини ҳамма билиб турибди.Ортиқча тўхталмайман. Бизда бошқа вариант йўқ. Рақиб Туркманистон бўлса ҳам, чим сунъий бўлса ҳам, бори шу энди. Бу муаммонинг ортига тўлиқ ўтиб олишга имкон бермайди.

Тушунамиз, осон бўлмайди, бироқ ғалаба жуда ҳам муҳим. Айнан шу босқични ўзида ФИФА рейтингидаги ўрнимиз яхшилаб, Уммон ва БААдан ўзиб кетишимиз шарт. Катанец шогирдларини эртага мураккаб 90 дақиқа кутиб тургани барчага аён, аммо ўртага тикилган нарсалар шу қадар оғир тош босадики, ўйиндан сўнг майдон баҳона ўрнида қабул қилинмайди."

Эслатиб ўтамиз, баҳс бугун соат 19:00 да старт олади. Ўйинни Спорт ТВ канали жонли эфирда намойиш этади.