Машҳур актёр Вин Дизель Роналдуни “Форсаж”га олиб кетади

Америкалик таниқли актёр ва продюсер Вин Дизель ижтимоий тармоқдаги саҳифасида “Ан-Наср” ҳужумчиси Криштиану Роналду учун “Форсаж” франшизасининг янги фильмида махсус роль тайёрланаётганини маълум қилди.

- Ҳамма “Роналдуни “Форсаж”да кўрамизми?”, деб сўрар эди. Энди айтишим мумкинки, бу албатта рўй беради. Биз Криштиану учун роль ёздик, - деди Вин Дизель.

Аввалроқ, 2026 йилда “Форсаж” франшизасининг 11-қисми чиқиши, бу фильм эса сериянинг сўнггиси бўлиши хабар қилинган эди.

Криштиану Роналду 2026 йилнинг ёзида АҚШ, Мексика ва Канада мезбонлик қиладиган жаҳон чемпионатида иштирок этишга тайёргарлик кўрмоқда. Португалия терма жамоаси мундиалнинг гуруҳ босқичида Ўзбекистон миллий терма жамоаси билан тўқнаш келади.