"Машъал"да жиддий йўқотишлар

“Машъал”нинг “Андижон”га қарши про лига 16-тур ўйини олдидан бир қатор футболчилар жароҳати ва карточкалари туфайли жамоага ёрдам бера олишмайди.

Жумладан, Микола Агапов, Равшан Ягудин, Жалолиддин Баҳодиров, Саидмаҳмуд Ғуломовлар жароҳати туфайли, Сирож Раҳматуллаев сариқ карточкалари тўрттага етганлиги сабабли “Газчи” ларга ёрдам бера олишмайди, - дея хабар бермоқда “Машъал” матбуот хизмати.

Эслатиб ўтамиз, “Машъал” – “Андижон” учрашуви  Муборакда Баҳром Вафоев номли ўйингоҳида бўлиб ўтади.

Учрашув  бугун соат 17:00 да бошланади.