Марказий учрашувда ғалаба қозонган Франция кейинги босқич масаласини ҳал қилди

УЕФА Миллатлар Лигаси 5-туридан ўрин олган Португалия - Франция терма жамоалари ўртасидаги учрашув ўз якунига етди. Унда меҳмонлар 1:0 ҳисобида зафар қучди.

Ўйиндаги ягона гол 53-дақиқада Нголо Канте томонидан киритилди. Адриен Рабьонинг зарбасидан кейин дарвозабон қайтарган тўпни Канте дарвозага киритди.

Ушбу баҳсдан сўнг, французлар С гуруҳида 13 очко билан пешқадамликни қўлга олган бўлса, 10 очко тўплаган португаллар иккинчи поғонада жойлашган.

Энди 6-турда Франция ўз майдонида Швецияни қабул қилади. Португалларни эса Хорватия майдонига сафар кутиб турибди.

{online}3287073{/online}