Манчестерликлар катта трансферни ҳал қилди
- 26-май 2025, 13:02
- Zohir Toshxo’jayev
- 0
- Футбол
Мавсумни муваффақиятсиз якунлаган “Манчестер Юнайтед” энди бор эътиборини таркибини қайта шакллантириш масаласига қаратади.
Таниқли инсайдер Фабрицио Романонинг маълум қилишича, Рубен Аморим жамоаси катта трансферни ижобий якунлаш арафасида турибди.
Манчестерликлар “Вулверхэмптон”нинг бразилиялик ҳужумчиси Матеус Куньяни ҳамкорликка кўндирган. 25 ёшли футболчи тез орада янги жамоага кўчиб ўтади.
“Манчестер Юнайтед” бу трансфер учун 74 миллион евродан ортиқроқ маблағ сарфлайди ва футболчининг ўзи билан 2030 йилнинг ёзигача давом этадиган шартнома тузади. Томонларда ўзаро келишувга кўра, ҳамкорликни яна бир йилга узайтириш имкони бўлади.
Кунья жорий мавсум “бўрилар” сафида жами 36 та учрашувда иштирок этиб, ўз ҳисобига 17 та гол ва жамоадошларига узатилган олтита ассистни расмийлаштириб қўйди.