Манчестерликлар Беллингемни олади
- 29-октябр 2025, 06:28
- Zohir Toshxo’jayev
- 0
- Футбол
Англия Премьер-лигасида ишлари юриша бошлаган “Манчестер Юнайтед” қишки трансферлар даврида таркибни янада кучайтиришга эътибор қаратадиган бўлди.
Англия фуболини ёритиб келаётган манбаларнинг маълум қилишича, манчестерликлар январда “Боруссия Дортмунд”дан Жоб Беллингемни олишга уриниб кўради.
Жоб худди акаси Жуд Беллингем каби Европанинг гранд клубларидаги юришини Бундеслигадан, хусусан, Дортмундан бошлаш учун ёзда “Сандерленд”дан “Боруссия”га кўчиб ўтган эди. Немис клуби “Сандерленд”ни Премьер-лигага олиб чиқишга катта ҳисса қўшган ўйинчи учун 25 миллион фунт тўлади.
Аммо Бундеслигадаги фаолият Жоб кутгандек чиқмади. Ҳужумкор футболчи бошланғич таркибдан четда қолмоқда.
Daily Mirror нашрининг ёзишича, “Юнайтед” мутасаддилари англиялик футболчи атрофидаги вазиятни кузатиб бормоқда ва қишки трансферлар ойнаси очилиши билан трансфер бўйича таклиф юборишга тайёрланяпти.