Манчестерга кетмоқчи бўлган тўпурар жамоаси билан уришиб қолди
- 12-июн 2025, 09:16
- Zohir Toshxo’jayev
- 0
- Футбол
“Спортинг” тўпурари Виктор Дьёкереш Европанинг энг қудратли клублари орасида талаш бўляпти. “Манчестер Юнайтед” футболчи билан доимий алоқани ушлаб турибди ва уни ўз сафига чорлаяпти.
Record нашрининг ёзишича, швед ҳужумчиси агар клуб унинг кетишига тўсқинлик қилса, бошқа майдонга тушмаслигини уқтирди.
Гап шундаки, Дьёкереш ўтган йили ёзда ҳам трансфер нишонига айланган эди. Бироқ клуб унинг трансферига белгиланган 100 миллион евролик бадал пулини пасайтириши шарти билан жамоада бир йил ўйнаб беришга рози бўлганди.
Энди “Спортинг” хўжайинлари мавсумда тўпурарлик маҳоратини яна бир бор намойиш қилган ҳужумчини имкон қадар қимматроқ пуллашга ҳаракат қилаётгани Дьёкерешга ёқмаяпти.
Sport1 нашри журналисти Кристофер Михель Дьёкереш гарчи “Манчестер Юнайтед” келаси мавсум Еврокубокларга иштирок этмаса ҳам, тақдирини бу жамоа билан боғлашни истаётганини ёзди.