"Манчестер Юнайтед ва "Челси" йирик ҳисобда ютди, "Тоттенхэм" эса очко йўқотди

АПЛнинг 13-туридан ўрин олган "Челси" - "Астон Вилла", "Манчестер Юнайтед" - "Эвертон" ва "Тоттенхэм" - "Фулхэм" учрашувлари бўлиб ўтди. 

"Челси" - "Астон Вилла" баҳсида Жэксон ҳисобни очган бўлса, Фернандес фарқни иккитага ошириб қўйди. Пальмер эса ўйинга нуқтани қўйди. 

Ушбу ғалабадан кейин "аристократлар" иккинчи ўринга кўтарилиб олди. 

"Манчестер Юнайтед" "Эвертон"ни аяб ўтирмади. Рэшфорд ва Зиркзе иккитадан гол уришга муваффақ бўлишди. 

Шу тариқа, "қизил иблислар" 9-поғонага кўтарилди. 

"Тоттенхэм" ўз майдонида очко йўқотди. Дастлаб, Жонсон ҳисобни очганди, орадан кўп ўтмай Кэрни имкониятларни тенглаштириб қўйди. 

"Шпорлар" мазкур учрашувдан кейин 7-ўринга тушиб кетди.